قوانين قسم اخبار شريف مدكور

قوانين قسم اخبار شريف مدكور

وياريت كل عضو جديد او قديم متميز او مشرف حتى
يلتزم بيها يا شباب عشان ده القسم الواجهة الرئيسى
اللى اى حد مهما كان زائر عضو
شريف مدكور شخصيا بيدخل
يشوف نظام واخبار صحيحة
ومش متفبركة ومنظمة ومعمولة بشكل واسلوب كويس
القسم ده بيعلى بشريف مش بيقلل منه
عشان كده لازم ناخد بالنا اوى اوى من القوانين دى
ونلتزم بيها



1- ممنوع وضع لنكات خارجية ماعدا لنكات التصويت الرسمية لشريف مدكور

2-كتابة اسم المصدر لاى خبر ينزل عشان نعرف مصدره
سواء كانت مجلة ايه جريدة ايه اسم سايت مش نكتب لنك السايت نكتب اسم السايت بس

3- ممنوع كتابة اى عنوان توبيك يكون فيه تلاعب او زخارف او فيه هزار او استهزاء او اشتغالة
وصباح الاشتغالات يا بشر

4- الرد فى القسم على اى توبيك او موضوع بطريقة فيها خروج عن اللياقة واللباقة والادب
لازم الردود تبقى فى حدود الادب والكلام الكويس واى رد مش مظبوط هيتم حذفه

5-اى خبر قبل ما تنزلوه وتحسوا انه اشاعة او كلام فارغ من الافضل مش ينزل
عشان هيتم حذفه ونهائى كمان احنا هنا بنجيب الحصرى والاصلى والصحيح

6- القسم خاص فقط باخبار شريف مدكور

7- ممنوع وضع استفتاءات فى قسم الاخبار واى استفتاء مكانه قسم الرابطة

8- ممنوع اى عضو يكتب لعضو زيه مكرر ولا محذوف ولا مغلق ولا الكلام ده
دى تخصصات مشرف بس عشان منعا للمشاكل

9- ممنوع المنقول من سايتات تانية لشريف وممنوع المنقول بصفة عامة من اى منتدى


يا ريت يا شباب نلتزم بالقوانين دى واللى يخالف القوانين
ميتسغربش بقى ليه المشرف حذف التوبيك بتاعه ولا قفله ولا اى حاجة
القسم ده عشان نعلى بشريف بس